Бајден ќе ги „преиспита“ односите со Саудиска Арабија откако „ОПЕК плус“ ги намали квотите за производство на нафта, што ја фаворизира Русија
Американскиот претседател Џозеф Бајден „нема намера“ да се сретне со саудискиот престолонаследник Мохамед бин Салман на самитот на Г-20 следниот месец во Индонезија, изјави советникот за национална безбедност на Белата куќа, Џејк Саливан.
Бајден ќе ги „преиспита“ односите со Саудиска Арабија откако „ОПЕК плус“ ги намали квотите за производство на нафта, што ја фаворизира Русија, но „нема да дејствува набрзина“, додаде Саливан на Си-ен-ен.
Групата земји извознички на нафта „ОПЕК плус“, во која спаѓа и Русија, на почетокот на октомври одлучи да го намали производството на нафта и на тој начин да влијае на растот на цените, потег што може да зададе нов удар на светската економија и да ги зголеми цените на горивата на пумпите околу светот.