Забелешките на Бајден доаѓаат во време на пропалестинските протести – од кои некои вклучија антисемитски скандирања и закани против еврејските студенти и поддржувачите на Израел – во кампусите на колеџите ширум земјата
Претседателот на Соединетите Американски Држави (САД), Џозеф Бајден го осуди „бруталниот наплив на антисемитизам во Америка и во целиот свет“, велејќи дека постои опасност луѓето да не ја знаат вистината за ужасите на Холокаустот, јавува Асошиејтед прес.
На комеморацијата за жртвите на холокаустот, Џо Бајден рече дека таа омраза сè уште лежи длабоко во срцата на многу луѓе во светот.
Забелешките на Бајден доаѓаат во време на пропалестинските протести – од кои некои вклучија антисемитски скандирања и закани против еврејските студенти и поддржувачите на Израел – во кампусите на колеџите ширум земјата.
„Не 75 години подоцна, туку само седум и пол месеци подоцна, а луѓето веќе забораваат дека Хамас го започна овој терор, дека Хамас беше тој што ги брутализираше Израелците, дека Хамас беше тој што зеде и држи заложници“,
рече Бајден.