Амбасадорот на Австрија Георг Вуцас, заедно со министерот за надворешни работи Бујар Османи, утре е ја посетата Велешта, Струга, за да се сретнат со роднините на момчето Неџип Вренези кое беше една од четирите жртви во терористичкиот напад во Виена на 3 ноември.
Според најави од државната агенција МИА, тие ќе дадат и изјава за медиумите.
Момчето, на возраст од 21 година, беше убиено во центарот на австриската престолнина додека се движел по улиците на Бермудскиот Триаголник.
Останатите три жртви од нападот, како што објави австриската полиција беа Австријец (39 години), Австријка (44) и Германец (24).
Во нападите, од страна на полицијата, пак, беше убиен напаѓачот Кјутим Фејзулаи, роден во Модлинг, Австрија, а по потекло од Северна Македонија.
Подоцна, покрај него, беше соопштено дека на списокот на австриската полиција во рамки на истрагата, кој преку Европол го пратила до нашето МВР заедно со барањето за соработка, имало уште две момчиња, родени во Австрија, а кои имале и македонско државјанство.