Податоците главно се однесуваат на делта-варијантата на ковид-19. Што се однесува до сојот омикрон, сепак е потребно време за да се направат валидни проценки, објаснуваат од австрискиот институт
Примени три дози на вакцина против коронавирус овозможуваат 99,2 отсто заштита од смрт од ковид-19 во споредба со невакцинираните луѓе, покажуваат податоците на Австрискиот институт за јавно здравје – Gesundheit Österreich GmbH (ГОГ).
Според институтот, ефикасноста по вакцинацијата со две дози, пак, е 92,6 отсто.
„Резултатот за Австрија е во согласност со другите меѓународни студии“,
изјави Лукас Рајнер од ГОГ.
Сепак, податоците главно се однесуваат на делта варијантата на ковид-19. Што се однесува до сојот омикрон, сепак е потребно време за да се направат валидни проценки, објасни експертот.
Анализата го опфаќа периодот од почетокот на февруари 2021 година до 13 јануари годинава, а податоците за третите дози се вклучени од 1 октомври.
Во Австрија досега се потврдени околу 14 000 смртни случаи од коронавирусот, а меѓу нив има околу 5 600 смртни случаи по првата кампања на вакцинација на почетокот на февруари 2021 година, од кои повеќето (околу 4 500 смртни случаи) не биле имунизирани.
Податоците од Австрија покажуваат и дека меѓу починатите има лица кои биле вакцинирани со три дози – 95 случаи, а од нив повеќето биле на возраст од 75 години или повеќе.