Речиси иста предност на ВМРО-ДПМНЕ пред СДСМ – од околу 10 процентни поени, покажуваа и анкетите на ИПСОС, работени за потребите на опозициската партија, во април и во март оваа година. Според анкетата на ИПСОС објавена од ВМРО-ДПМНЕ во мај, а реализирана од 6 до 26 април, ВМРО-ДПМНЕ имаше рејтинг од 22 %, а СДСМ од 12,9 %. Резултатите објавени во април, пак, за анкета на ИПСОС направена од 2 до 16 март, покажуваа поддршка за ВМРО-ДПМНЕ од 18,2 %, а за СДСМ од 9,5 %
Најновата теренска анкета на ИПСОС, според соопштението од ВМРО-ДПМНЕ, е спроведена од 1 до 18 јули, што беше период на политички тензии и протести во земјава по објавувањето на т.н. француски предлог, а во пресрет на усвојувањето на заклучоците од Собранието (16 јули 2022 г.)
Доколку на следните избори би се кандидирале само партии, а не коалиции, за која партија би гласале – 19,7 отсто одговориле за ВМРО-ДПМНЕ, 9,5 % за СДСМ, 6,2 % за ДУИ, 5,9 % за Левица и Алијанса за Албанците со 2,8%. Ова, како што соопштија од ВМРО-ДПМНЕ, го покажува анкета на ИПСОС работена за потребите на опозициската партија.
Во споделените информации нема резултати за други партии поединечно, туку постои категорија „Други“ со 4,2 отсто. 22,5 % од испитаниците се изјасниле како неодлучни, 17 % одбиле да одговорат, а 12,2 % воопшто не би гласале за ниту една политичка партија.
Анкетата, како што велат од ВМРО-ДПМНЕ, е теренска, реализирана на примерок од 1 014 испитаници, од 1 до 18 јули гдинава. Тоа е период на политички тензии и протести во земјава, по објавувањето на т.н. француски предлог, а во пресрет на усвојувањето на заклучоците во Собранието (16 јули 2002 г.).
Речиси иста предност на ВМРО-ДПМНЕ пред СДСМ – од околу 10 процентни поени покажуваа и анкетите на ИПСОС, работени за потребите на опозициската партија, во април и во март оваа година. Според анкетата на ИПСОС објавена од ВМРО-ДПМНЕ во мај, а реализирана од 6 до 26 април, ВМРО-ДПМНЕ имаше рејтинг од 22 %, а СДСМ од 12,9 %. Резултатите објавени во април, пак, за анкета на ИПСОС направена од 2 до 16 март, покажуваа поддршка за ВМРО-ДПМНЕ од 18,2 % и за СДСМ од 9,5 %.
Францускиот предлог не го поддржуваат 58 отсто од испитаниците
Во анкетата испитаниците биле прашани и за францускиот предлог, најзначајните проблеми со кои се соочува државата, како и за оценка на досегашното работење на премиерот. Еве ги одговорите:
Дали го поддржувате или не го поддржувате францускиот предлог за надминување на спорот помеѓу Македонија и Бугарија?
• Не го поддржувам 58%
• Го поддржувам 26%
• Одбива да одговори 16%
Според вас, кои се најзначајните проблеми со кои се соочува Република Македонија во моментов, проблеми за кои вие лично сте најмногу загрижени?
• Економија/економска состојба/финансии 20%
• Лош стандард/мали плати и пензии/ високи цени/ инфлација 16%
• Француски предлог/Бугарија 8%
• Невработеност 7%
• Политика и политичка криза/партизирано општество 4%
• Корупција/криминал 4%
• Здравство 3%
• Проблеми со идентитетот на државата 2%
• Промена на името 2%
• Сиромаштија 2%
• Иселување на младите од државата 2%
• Неизвесна иднина/несигурност/нестабилност/ нема напредок 2%
• Има многу проблеми/ општ хаос 2%
• Лоши политичари 1%
• Меѓучовечки односи/поделеност меѓу населението/дискриминација 1%
• Образование 1%
• Земјоделие/пласман на производи 1%
• Владата/тековната власт 1%
• Меѓуетнички односи 1%
• Влез во ЕУ/ евроинтеграција 1%
• Судство 1%
• Проблеми во меѓународна политика 1%
• Енергетска криза/струја 1%
• Нефункционирање на системот и институциите 1%
• Војна/ Украина / Русија/ мир 1%
• Друго 6%
• Не знам 8%
Како би го оцениле досегашното работење на Димитар Ковачевски како премиер на Република Македонија со оценка од 1 до 5, при што 1 е многу лош резултат, а 5 е одличен резултат?
• Оценка 1 – 36%
• Оценка 2 – 15 %
• Оценка 3 – 20%
• Оценка 4 – 11%
• Оценка 5 – 8%
• Не знам – 10%