Хутите, кои ги контролираат најнаселените делови на Јемен, со месеци ги напаѓаат бродовите во регионот, како што велат, со тоа покажуваат солидарност со Палестинците кои се борат против Израел во Газа
Американската војска вчера објави дека за 24 часа уништила осум беспилотни летала на хутите, како и два површински брода без екипаж во Црвеното Море, пренесува Ројтерс.
Според информациите на Централната команда на американската војска, нејзините сили успешно дејствувале и врз беспилотно летало лансирано од областите под контрола на хутите во Јемен.
Нивните извештаи велат и дека хутите лансирале противбродска балистичка ракета.
Јеменските хути, сојузници на Иран, пак, соопштија дека извршиле напади врз три брода во Црвеното и Арапското Море.
Хутите, кои ги контролираат најнаселените делови на Јемен, со месеци ги напаѓаат бродовите во регионот, како што велат, со тоа покажуваат солидарност со Палестинците кои се борат против Израел во Газа.
Откако САД и Велика Британија започнаа одмазднички воздушни напади врз позициите на хутите во Јемен, движењето соопшти дека ги смета и сите американски и британски бродови за воени цели.