Нортон се залага овогодишниот септември да биде „Месец на македонско-американското наследство“ во кој ќе се слави македонскиот јазик, историја и култура на македонските Американци
Конгресната група за поддршка на Македонија и македонските Американци, се прошири за уште еден член. На групата ѝ се приклучи и демократската конгресменката Елеонор Холмс Нортон од Вашингтон, Конгресен округ на Колумбија.
Нортон, како што објави Обединетата македонска дијаспора, се залага за зајакнување на американско-македонските стратешки односи.
Конгресменката Холмс Нортон, која доаѓа од Демократската партија, е исто така и коспонзор на резолуцијата со која се изразува поддршка за прогласувањето на месец септември 2022 година како „Месец на македонското американско наследство“ и се слави македонскиот јазик, историја и култура на македонските Американци и нивниот неверојатен придонес за Соединетите Држави.
Конгресната група за Македонија и македонските Американци во моментов брои 36 члена.