Исто така во средата, американскиот Стејт департмент ја обвини Москва дека користи различни иритирачки гасови за време на сеопфатната војна против Украина, што е кршење на Конвенцијата на Обединетите нации за хемиско оружје
Американската влада е насочена кон руското производство на оружје со нови санкции, објави синоќа американското министерство за финансии.
Тие наведуваат дека санкциите опфаќаат околу 200 компании и 80 поединци во трети земји како Кина, Белгија и Словачка, кои наводно ја поддржуваат Русија во набавката на материјали за нејзината програма за оружје. Санкциите се насочени и кон руското производство на хемиско и биолошко оружје, пренесува ДПА.
Исто така во средата, американскиот Стејт департмент ја обвини Москва дека користи различни иритирачки гасови за време на сеопфатната војна против Украина, што е кршење на Конвенцијата на Обединетите нации за хемиско оружје.
„Денешните дејствија дополнително ќе ги нарушат и деградираат воените напори на Русија со напад на нејзината воена индустриска база и мрежите што помагаат во нејзино снабдување“,
рече американскиот министер за финансии Џенет Јелен.
Санкционирани се и три лица кои наводно се поврзани со смртта на Алексеј Навални. Критичарот на Кремљ почина во руски притвор во февруари.
Навални, долгогодишен и жесток противник на Путин, почина во затворски логор во Арктичкиот круг во Сибир во февруари. Не е независно утврдено дали 47-годишникот починал од природна смрт, како што стои во неговата смртна потврда. Сепак, неговите поддржувачи велат дека тој бил убиен.
Како резултат на новите санкции, сите средства на санкционираните лица во САД ќе бидат замрзнати. На американските граѓани или лица лоцирани во Соединетите Држави им е забрането да прават бизнис со санкционирани компании и поединци.