На овој регион, додаде амбасадорот Хил, потребно му е смирување на страстите и изнаоѓање долгорочни решенија во Косово за таа територија да има перспектива во меѓународната позиција. Од друга страна, додаде дека Србите на Косово треба да имаат перспектива како ќе изгледа нивниот живот и како ќе го живеат
Американскиот амбасадор во Србија, Кристофер Хил, денеска порача дека прашањето за пререгистрација на табличките во Косово треба да се одложи најмалку за една година за, како што вели, вниманието да се посвети на решавање на поважни прашања, јавуваат српските медиуми.
На овој регион, додаде Хил, потребно му е смирување на страстите и изнаоѓање долгорочни решенија во Косово за таа територија да има перспектива во меѓународната позиција. Од друга страна, додаде дека Србите на Косово треба да имаат перспектива како ќе изгледа нивниот живот и како ќе го живеат.
„На овој регион потребно му е смирување на страстите“,
рече американскиот амбасадор во Србија.
Денеска во Брисел треба се сретнат главните преговарачи на Белград и Приштина, Петар Петковиќ и Бесник Бислими, со специјалниот претставник на Европската Унија за дијалог на двете страни Мирослав Лајчак.
Почетокот на казнувањето на Србите кои возат автомобили со таблички со ознаки КМ (Косовска Митровица) е одложен до четврток наутро.