Претставници на Амбасадата на САД во Скопје, преку Бирото за меѓународна борба против наркотици и за спроведување на законите (ИНЛ) при Стејт департментот, донираа лаптопи на Основното јавно обвинителство за гонење на организиран криминал и корупција.
Донацијата е наменета за потребите на истражниот центар во обвинителството и олеснување на неговата работа на терен во време на пандемијата со ковид-19.
Обвинителката Вилма Русковска, заблагодарувајќи сè за донацијата, истакна:
„Потребата од нови современи технолошки помагала за спроведување истражни дејствија е секогаш потребна, особено ако се има предвид дека обвинителството треба да биде неколку чекори пред лицата кои ги гони. Убедена сум дека истражителите и обвинителите максимално ќе го искористат бенефитот од добиената опрема и ефикасно и ефективно ќе ги спроведуваат своите надлежности во прогонот на организираниот криминал и корупцијата“,
порача Русковска.