Лидерот на СДСМ, Зоран Заев и првиот човек на Алијансата за Албанците, Зијадин Села имаат средба во Собранието, дознава ТВ Алсат од свои извори.
Од партиите нема ниту потврда, ниту демант дека е во тек лидеркса средба. Нема информации ниту дали на средбата присуствува претседателот на вториот партнер во коалицијата, „алтернативецот“ Африм Гаши.
Алсат ги имаат забележано и фотографирано возилата на лидерите на СДСМ и на Алијансата паркирани пред зградата на Собранието.
Претседателот на СДСМ, Зоран Заев вчера најави дека ги отпочнува консултациите со партиите на Албанците околу составување парламентарно мнозинство и формирање на идната Влада.
Поддршка веќе доби од партијата на Мендух Тачи.