Воопшто нема да присуствуваме на делот од седницата на гласањето на кандидато за претседател на Собранието, бидејќи не сакаме да бидеме дел од срамот, а потоа ќе продолжиме со сите наши демократски форми да го кренеме гласот, рече пратеникот Скендер Реџепи од коалицијата на Алијансата за Албанците и Алтернатива.
„Прв пат во историјата Албанците го кренаа совјот глас за неправдите кои ги нанесува Демократската унија за интеграција. Тие им ја убија надежта на сите млади да живеат тука, им ја украдоа демократијата и го стимулираат отселувањето. Затоа сега кога зборуваме за кандидат за претседател на Собранието, не можеме да зборуваме за патриотизам“,
рече Реџепи.
Тој од собраниската говорница рече дека немаат ништо лично против Џафери, но нема да учествуваат за време на гласањето и обвини дека ДУИ на последните парламентарни избори гласовите ги добила со поткуп.
„Верувам дека меѓу оние од ДУИ има онакви кои правично се избрани, но една третина се избрани со уценети, украдени гласови. Секој кандидат на вреќата наречена ДУИ е кандидат со изгубена демократија. ДУИ ова го изведе на извонреден начин, колку го осиромаши народот, полесно го купува“,
рече Реџепи.
Тој додаде дека во Собранието претставува 82 илјади гласачи и 10 илјади кои излегоа на протести и го кренале својот глас против недемократската ДУИ.
Изет Меџити од ДУИ рече дека ова е дефокусирање на јавноста и дека треба да се расправа за точката на дневен ред, а тоа е избор за претседател на Собранието.
„Наместо да излезат со аргументација, со идеи, тие постојано изнесуваат жалби дека изгубиле. Во ниту едно избирачко место нема жалба за гласовите. Таму кадешто победиле слават наголемо, а каде што изгубиле велат дека ДУИ ги крадела гласовите. Треба да го прифатат гласот на граѓаните и да им дозволат на новите кадри да бидат поконкурентни со ДУИ“,
рече Меџити.