Ова е втор обид на владејачките социјалистите за смена на претседателот, откако во почетокот на 2019 година беше формирана анкетна комисија, а иницијативата ја поддржаа 101 пратеник
Албанските социјалисти собраа потписи од 50 пратеници, колку што се доволни во парламентот да почне иницијатива за смена на шефот на државата, Илир Мета.
Во образложението на пратениците од партијата на Еди Рама за смена на актуелниот претседател на државата, меѓу повеќето прекршувања на неговите уставни надлежности, се споменува и обвинувањето до американската амбасадорка Јури Ким, на која Мета и порача да не се меша во внатрешните работи на Албанија.
Според најавата од парламентарната група на социјалистите, тие предлогот веќе го доставиле до парламентот и очекуваат тој да се најде на утрешната пленарна седница.
Мета, од друга страна, истакна дека изборниот процес целосно не е завршен и оти треба да продолжи администрирањето на секој приговор и пребројувањето на секое гласачко ливче.
Обидот на социјалистите за негова смена тој го нарече „каписла“ и порача да се спроведе истрага за изборниот криминал.
Ова е втор обид на социјалистите за смена на претседателот, откако во почетокот на 2019 година беше формирана анкетна комисија, а иницијативата ја поддржаа 101 пратеник. Но, по добиениот одговор од Венецијанската комисија, во октомври истата година, постапката беше прекината.