Полициски службеници од граничниот премин Табановце при Регионалниот центар за гранични работи Север, вчера и завчера при контрола при влез во државата на четири комбиња за меѓународен превоз на патници, констатирале дека вршат меѓународен превоз на патници без поседување на соодветна документација
Денеска за само четири часа контрола, од 08.00 до 12.00 часот Министерството за внатрешни работи во рамки на оперативната акција „Дозвола“ отрки 60 неисправни возила на улиците.
„Контролирани се 576 автобуси и други возила со кои се врши јавен превоз, а неисправност е утврдена кај 60 возила. Од нив 21 на територија на СВР Тетово, 11 на територија на СВР Штип, девет на територија на СВР Струмица, осум на територија на СВР Скопје… Од овие 60 возила, кај 42 е утврден неисправен уред за запирање, кај пет неисправен уред за управување… Возилата се исклучени од сообраќај и ќе следуваат соодветни поднесоци“,
изјави портаролот на МВР Тони Ангеловски.
Од страна на инспектори на Државен инспекторат за патен сообраќај и инспектори од единиците на локална самоуправа ( кои исто така учествуваа во акциската контрола) преземени се 18 мерки поради вршење на јавен превоз без лиценца.
„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“,
рече Ангеловски.
Полициски службеници од граничниот премин Табановце при Регионалниот центар за гранични работи Север, вчера и завчера при контрола при влез во државата на четири комбиња за меѓународен превоз на патници, констатирале дека вршат меѓународен превоз на патници без поседување на соодветна документација.
Според соопштениеро на МВР се работи за две „форд“, едно „мерцедес“ и едно „фиат“, од кои три со струмички и едно со скопски регистарски ознаки, управувани од Т.В.(25), П.В.(50), Ч.Т.(28) и М.П.(33), сите од Струмица,
МВР соопшти дека од страна на полициските службеници биле известени инспектори од Одделението за инспекциски надзор на патниот сообраќај во рамки на Државниот инспекторат за транспорт при Министерство за транспорт и врски и се преземаат мерки за комплетно расчистувањ ена случаите.