Сакав да ги прашам од конгресот на изворот на Христијан Мицкоски, дали можеби ДУИ се неговите идејни творци или, пак, Титовите нови сили, сите оние од СДСМ кои му биле присутни, дали можеби тие му купиле партија. Дали тие го устоличиле на она место на кое седи како претседател на политичка партија. Се надевам дека граѓаните ќе успеат да видат некој кој работи малку поинаку на политичката сцена, рече таа
Покана за присуство на конвенцијата беше испратена до сите политички партии, тоа е редовна пракса. Ова денеска во интервју на емисијата „Само интервју“ на ТВ Канал 5 го изјави градоначалничката Данела Арсовска, која вчера беше поставена за нов претседател на партијата Нова алтернатива, на прашање за присуството на генералниот секретар на СДСМ, Миле Зечевиќ на промоцијата на новиот политички субјект.
„Маил испрати самата партија која ги покани останатите политички партии. Избор е на поканетата политичка партија кого ќе испрати да присуствува. На сите политички партии на нивните конгреси или конвенции имате присуство личности од други партии. Тоа е одраз на политичка култура“,
рече Арсовска.
Таа им се заблагодари на сите што ја легитимирале како политички фактор.
На прашањето дали Зечевиќ е идеен творец на партијата, според Арсовска, тие коментари се темелат на една хистерија на која се води раководството на ДПМНЕ.
„Сметам дека стравот е присутен, затоа и реакциите се толку силни. Сакав да ги прашам од конгресот на изворот на Христијан Мицкоски, дали можеби ДУИ се неговите идејни творци или, пак, Титовите нови сили, сите оние од СДСМ кои му биле присутни, дали можеби тие му купиле партија. Дали тие го устоличиле на она место на кое седи како претседател на политичка партија. Се надевам дека граѓаните ќе успеат да видат некој кој работи малку поинаку на политичката сцена“,
вели Арсовска.
Според неа, биле поканети и претставници од ВМРО-ДПМНЕ.
На прашањето дали кога конвенцијата би дошол и секретарот на ВМРО-ДПМНЕ ќе седел во првиот ред исто како Зечевиќ, Арсовска одговори потврдно.
„Апсолутно. Зошто да не. Тоа е одраз на политичка култура. Можеби ќе беше убаво да слушнат што имам да кажам на вчерашниот настан“,
рече таа.
Според неа, во Нова алтернатива ќе има спој на луѓе со кои планираат да ги спојат искуството и енергијата, а кои не биле дел од политиката.
„Ќе се залагаме за правда, правичност, економски просперитет и борба со корупцијата“,
рече Арсовска.
Арсовска рече дека лично нема никаков проблем со ВМРО-ДПМНЕ.
„Колку што знам проблем има врхушката на партијата, предводена од Мицкоски. Немам конфликт со кој било политички субјект. Но, имате една врхушка и едно раководство кое работи спротивно на овие принципи кои се обидувам да ги изграда“,
вели таа.