Македонија забележува скок од две места во однос на лани, од 38. на 36. место и има најдобра оценка споредено со земјите во регионот, забележува „Репортери без граници“ (РСФ) за земјава во најновиот извештај за Индексот за слобода на медиумите
Медиумите ја имаат клучната улога во текот на изборниот процес во кој се наоѓа РС Македонија.
Ова денеска на социјалната мрежа Икс го напиша американската амбасадорка во земјава, Анџела Агелер, по повод 3 мај – Светскиот ден на слободата на медиумите.
„Денеска е Светскиот ден на слободата на медумите, а изборите ја истакнуваат клучната улога што тие треба и мора да ја имаат во текот на целиот процес. Слободни медиуми кои ги испитуваат фактите, соопштуваат идеи и предлози до јавноста и ги притискаат функционерите да го објаснат нивниот став за прашања кои се важни за животите на граѓаните и за одредување на текот на државата“,
напиша американската амбасадорка Агелер на Икс.
Today is #WorldPressFreedomDay, and elections highlight the crucial role media should and must play throughout the process. A free and vibrant press that examines facts, communicates ideas and proposals to the public, and presses officials to explain their position on issues that…
— Ambassador Angela Aggeler (@USAmbNMacedonia) May 3, 2024
Македонија забележува скок од две места во однос на лани, од 38. на 36. место и има најдобра оценка споредено со земјите во регионот, забележува „Репортери без граници“ (РСФ) за земјава во најновиот извештај за Индексот за слобода на медиумите.
Според извештајот, иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади.
Владините функционери, како што се вели во извештајот, имаат тенденција да имаат лоши и понижувачки ставови кон новинарите.
Во однос на лани, Македнија забележува пад во четири од пет индикатори. Најголем пад од 5,35 поени има во политичкиот показател, од 1,82 поени во показателот правна рамка, од 3,05 поени во социјалниот индикатор, а пораст има само во показателот за безбедност од 8,16 поени.