Управниот одбор на италијанската Национална управа за цивилно воздухопловство ENAC вчера го одобрил барањето поднесено од регионот Ломбардија пред една година
Вицепремиерот на Италија и министер за инфраструктура и транспорт Матео Салвини денеска објави дека аеродромот „Малпенса“ во Милано ќе се преименва во името на поранешниот италијански премиер Силвио Берлускони.
Управниот одбор на италијанската Национална управа за цивилно воздухопловство ENAC вчера го одобрил барањето поднесено од регионот Ломбардија пред една година.
„Конечната одлука е на министерот за инфраструктура и сообраќај и јас сум подготвен да го ставам последниот потпис, со гордост и емоции, во спомен на мојот пријател Силвио, голем претприемач, голем Миланец и голем Италијанец“,
напиша Салвини на Икс.
Силвио Берлускони беше еден од најбогатите Италијанци кого го следеа низа контроверзии во и надвор од политиката. Служеше како премиер на Италија во четири наврати откако стана популарен во 1994 година формирајќи ја партијата Форца Италија.