Комисијата за антидискриминација да го испита разрешувањето на д-р Арбен Зибери од директорката функција во Центарот за јавно здравје Скопје, побара денеска Арбен Адеми од ДУИ.
Тој порача дека Зибери не би бил сменет ако беше Македонец и смета дека одлуката за негово разрешување е политичка и поврзана со чичкото на Арбен, Насер Зибери, откако ја објави својата кандидатура за прв премиер Албанец.
„Допирањето на семејството на кандидатот од втората заедница во земјата е нешто што потсетува на автократски режими и мрачни времиња во нашата историја. Тоа е грубо и неприфатливо во модерната демократија. Тоа исто така, е и чин на дискриминација – Арбен не би бил отпуштен да беше македонец и не е случајност што неговиот наследник се нарекува Александар, туку е јасен пример на дискриминација и слаб обид на СДСМ за ефтини политички поени меѓу Македонски гласачи на избори.Затоа, ја повикуваме Комисијата за антидискриминација да дејствува веднаш и да го испита овој случај“,
порача Адеми.
Адеми посочи дека ова не е единствен случај и иако се постигнала еднаквост со закон, сепак како што рече, Албанците се соочувале со недостаток на политичка волја за спроведување на таа еднаквост.
„. Сè уште има многу џебови на отпорност на еднаквост и исто така во многу случаи правдата е еднострана етничка. И покрај сите напори и реформи и зголемувањето на застапеноста во судовите, но и во другите државни институции, Албанците сè уште се соочуваат со обезправеност. Тоа е причината зошто ние бараме прв премиер албанец, затоа што дури тогаш македонските политичари ќе разберат дека немаат монопол на власта, дека живееме во 21век, каде сите граѓани треба да имаат еднакви права. Со премиер Албанец ние сите ќе воспоставиме еден Висок суд за еднаквост, кој ќе ги испита сите еднострани етнички прашања во судството и администрацијата и каде Албанците и другите немнозински етнички заедници, можат да поднесат жалба против дискриминација. Овој Висок суд за еднаквост ќе има целосна моќ на Врховен суд и ќе може да ги поништи дискриминаторските одлуки на сите државни институции. Време е да се создаде еднакво општество во Северна Македонија, каде сите граѓани имаат исти права и можности“,
порача Адеми.