Црногорскиот премиер Дритан Абазовиќ вели дека нема да учествува во преговорите за формирање на новата извршна доколку Парламентот вечерва изгласа недоверба на неговата падне вечерва.
„Вечерва имаме можност да гласаме и да не гласаме за иницијата на ДПС. Ако вечерва падне владата, со среќа нека ви е. Немојте повеќе да го викате Движењето УРА“,
рече Абазовиќ во обраќањето пред пратениците.
Рече дека иницијативата на Демократската партија на социјалистите (ДПС) за буткање на владата е поднесена по потпишувањето на Темелниот договор со Српската православна црква (СПЦ).
„Иницијативата на ДПС дојде како плод на потпишувањето на Темелниот договор. Кога реков дека постојат луѓе кои би гласале околу одбрана на Темелниот договор, за некои од нив тврдам дека не би го потпишале. Јас не трепнав и не го направив ова поради гласови и поддршка, туку поради помирување на народот во Црна Гора, особено православното население. И се гордеам на тоа“,
рече Абазовиќ.
Во исто време, Демократите на Алекс Бечиќ порачаа дека ќе гласаат пад на владата.
„Ние вечерва не рушиме ништо друго освен владата на ДПС. Ние ја рушиме владата на ДПС, а на оние кои народот ги избра на 30 август да прават промени по 30 години од претходниот режим, им нудиме да потпишат дека по падот на власта нема да прават комбинации со ДПС, туку дека ќе го вратиме тоа мнозинство што беше волја на изборите“,
рече пратеникот од оваа партија, Владимир Мартинович.
Предлогот за недоверба на Владата го поднесоа 36 пратеници на Демократската партија на социјалистите (ДПС), Социјалдемократската партија, Либералната партија, Социјалдемократите и Демократскиот сојуз на Албанците, само неколку часа откако Абазовиќ го потпиша Темелниот договор со Патријархот на Српската православна црква, Порфири.
За конечен пад на Владата неопходен е глас од 41 пратеник, што значи дека на ДПС и на коалиционите партнери им недостига еден глас.