Приоритет на новата Влада предводена од СДСМ е прочистување на правосудството, со комплетна и темелна проверка на имотот и материјалната состојба на секој судија и обвинител, велат од СДСМ во соопштение до јавноста.
Од таму најавуваат дека по случаен избор, ќе биде извршена темелна ревизија на пет отсто од сите судски пресуди во последните 5 години, а судиите кои застаруваат предмети, по автоматизам ќе бидат разрешени.
Во партиското соопштение, се додава и дека ќе има судска разрешница и за предметите отворени од поранешното Специјално јавно обвинителство.
„Следува разрешница на сите предмети отворени од Специјалното јавно обвинителство.За граѓаните, за иднината на државата важно е да се функционира силна ефикасна правна држава која бескомпромисно ќе се бори против криминалот и корупцијата. Затоа, обезбедуваме систем на прочистување на судството, за никогаш повеќе да не се избираат судии од нечиј тефтер, да не се носат судски пресуди по телефон, а политичари да диктираат обвиненија.Денес сите се еднакви пред законот и секој кој ги прекршува законите, се соочува со одговорност“,
се вели во партиското соопштение.