И денеска продолжуваат конструктивните работни средби меѓу СДСМ и коалиција “Можеме” и ДУИ, на ниво на генерални секретари, со цел обезбедување стабилна Влада која во полн четиригодишен мандат ќе ги испорача и оствари сите очекувани услуги и цели на граѓаните, се вели во партиското соопштение од социјалдемократите.
„Откако двете партии ги утврдија коалициските принципи и определби на евентуалната идна заедничка влада, денес се работи на усогласување на победничките изборни програми на двете партии и на создавање на четиригодишна програма за работа на идната влада, во целост посветена на економијата, правдата, еднаквоста и интеграциите. Во тек е и распределбата на одговорностите според ресори во идната коалиција, процес во кој се постигнати добар напредок и начелни согласности“,
се вели во соопштението.
Од СДСМ велат дека двете партии се обврзуваат да предложат соодветни, подготвени, чесни и способни кадри кои ќе ја реализираат програмата во целост за време на полн четиригодишен мандат.