Станува збор за втор сериозен инцидент во истата област за само два дена. Вчера, товарен брод кој пловел под сомалиско знаме исто така испрати повик за помош во бугарската ексклузивна економска зона во Црното Море, при што сите 12 членови на екипажот беа успешно евакуирани
Уште еден комерцијален брод потона во територијалните води на Бугарија во Црното Море, втор во изминатите 48 часа. Станува збор за танкерот за гас „Гас хаски“ (GAS HUSKY), кој потонал на околу 50 наутички милји источно од бугарскиот крајбрежен град Бјала и, како што пренесуваат тамошните медиуми, во тек е операција за пронаоѓање и спасување на екипажот.

Во акцијата се вклучени и припадници и летала на военото воздухопловство на Бугарија, соопштиле од прес-службата на Министерството за одбрана на земјата.
Според официјалните информации, воен авион од типот „Су-25“ полетал во 10:25 часот според локално, источноевропско време (9:25 часот според средноевропско време) од Балчик и извршил воздушно извидување на реонот. Над местото на несреќата е поставен сплав за спасување со луѓе на него, кои треба да ги прифатат преживеаните членови на екипажот на бродот.
За извлекување на преживеаните е активиран хеликоптер од типот „Кугар“, а нешто по 11 часот (10 часот според средноевропско време) кон локацијата се упатил и втор авион „Су-25“.
Вклучувањето на воената авијација следува по наредба на началникот на одбраната, а по претходно барање од Главната дирекција за итни и спасувачки дејности при Извршната агенција „Поморска администрација“.
BREAKING: Another ship has been hit by drones this morning in Bulgaria’s exclusive economic zone in the Black Sea. The vessel, motor tanker GAS HUSKY (IMO: 9507764), was struck and subsequently sank approximately 50 nautical miles east of Byala, Bulgaria. The tanker was travelling from Egypt to the Romanian port of Midia, carrying 3,403 metric tons of propane. All 19 crew members, who are Filipino nationals, were on board. Bulgarian military aircraft, a Cougar helicopter and rescue teams have been deployed in an ongoing search and rescue operation. This marks the sixth vessel hit in the Black Sea region in the past 48 hours.
— GeoInsider (@InsiderGeo) November 17, 2026
Брод „Гас хаски (GAS HUSKY), според информациите, исчезнал од радарите кратко по полноќ, додека во 8:02 часот денеска наутро се активирал итниот радио-сигнал (EPIRB), кој емитува известување за потонат пловен објект.
Во извештаите на бугарските медиуми засега нема информации за причните за потонувањето на бродот.
Инаку, ова е втор сериозен инцидент во истата област за само два дена. Вчера, товарен брод кој пловел под сомалиско знаме исто така испрати повик за помош во бугарската ексклузивна економска зона во Црното Море, при што сите 12 членови на екипажот беа успешно евакуирани.
Во изминатите неколку недели во овој дел од Црното Море беа регистрирани повеќе инциденти со пловила, од кои дел потонаа, а имаше и загинати морнари. Бродовите беа мета на напади со дронови, но сè уште нема официјална потврда од која страна дошле беспилотните летала. Бугарските власти во неколку наврати изјавија дека иако нема категорични докази, „логиката укажува кон Руската Федерација“.
