Осврнувајќи се на инцидентот во кој актерката и пратеничка од СНС, Лидија Вукиќевиќ, беше полеана со јогурт, експретседателот на носител на листата „Обединета Србија“, Александар Вучиќ, изјави дека додека таа влегувала во парламентот, била влечена за косата и за половината, а потоа и полиена со јогурт. Рече дека полицијата не реагирала и најави кривични пријави против лица од полициските редови
Поранешниот српски претседател и носител на листата „Обединета Србија“, Александар Вучиќ, пред почетокот на конститутивната седница на Народното собрание одржа прес-конференција во холот на парламентот, по повод инцидентот што ѝ се случи на актерката и пратеничка Лидија Вукиќевиќ, која беше полеана со јогурт.

Вучиќ изјави дека пратениците од неговата Српска напредна партија (СНС) биле изложени на вербални и физички напади пред влезот во парламентот, за што рече дека полицијата не интервенирала.
„Околу 560 претставници од студентско-активистичката листа нападнаа пратеници кои имаат спротивни ставови. Ги нападнаа вербално, ги нападнаа физички, а полицијата воопшто не реагираше. Дозволија поединци да поминат низ едни од најтешките моменти во нивните животи, правејќи се дека воопшто ништо не забележуваат“,
изјави Вучиќ на прес-конференцијата.
Обвини дека полицијата се обидува да ја демонстрира и докаже својата покорност кон новите власти.
Осврнувајќи се на инцидентот во кој актерката и пратеничка од СНС, Лидија Вукиќевиќ, беше полеана со јогурт, Вучиќ изјави дека додека таа влегувала во парламентот, била влечена за косата и за половината, а потоа и полиена со јогурт. Рече дека полицијата не реагирала и најави кривични пријави против лица од полициските редови.
„Ако пратеник не се чувствува безбедно пред парламентот, тогаш јасно ви е за каква демократија зборуваме. Ова не падна од небо, ова не се случајни поединци, ова се луѓе кои беа поканети да предизвикаат хаос. Тие беа поканети од Студентската листа“,
изјави Вучиќ.
Пред влезот на зградата на Народното собрание во Белград, каде што денеска се одржува конститутивна седница, актерката и идна пратеничка од редовите на опозициската СНС, Лидија Вукиќевиќ, беше полеана со јогурт по косата. Подоцна на прес-конференција таа плачејќи кажа дека се чувствува лошо оти била нападната од Срби.
Според резултатите од парламентарните избори во Србија, Студентската листа „Студентите победуваат“ освои убедлива победа со 53,1 отсто од гласовите, наспроти 38,98 отсто, колку што доби поддршка листата на СНС предводена од доскорашниот српски претседател Александар Вучиќ.
