На прашање на Фокс њуз дали има некакви индици за вмешаност на Иран, Нетанјаху одговорил: „Прерано е да се каже“, додавајќи дека пилото напаѓач е уапсен и е под истрага во Саудиска Арабија
Од друга страна, израелскиот министер за одбрана Израел Кац го нарече инцидентот „обид за џихадистички терористички напад“, без да наведе детали, а со слични сомнежи излезе и американскиот претседател Доналд Трамп, кој разговарал со Нетанјаху по инцидентот
Изралескиот премиер Бенјамин Нетанјаху изјави оти е прерано да се каже што стои зад спречениот обид на копилотот да предизвика уривање на авионот на „Флајдубаи“ кој летал од Дубаи (Обединетите Арапски Емирати) кон Тел Авив.
Властите, како што пренесува Би-би-си, сè уште немаат информации за мотивот на копилотот кој со нож го нападна својот колега, пилот во авионот, а на прашање на Фокс њуз дали има некакви индици за вмешаност на Иран, Нетанјаху одговорил: „Прерано е да се каже“.
Изралескиот премиер рекол дека напаѓачот е под истрага во Саудиска Арабија, каде е упасен откако авионот на „Флајдубаи“ принудно слета на аеродромот во Табук, по совладувањето на копилотот од страна на патниците.
Вознемирените патници раскажаа како упаднале во пилотската кабина и се бореле со напаѓачот додека авионот нагло почнал да губи висина.
Нетанјаху додаде дека очекува напаѓачот да биде префрлен во Обединетите Арапски Емирати, од каде што полетал авионот.
„Ќе ја следиме оваа истрага, а можеби и ќе учествуваме во неа“,
додал тој.
Израел немал разузнавачки информации за можен инцидент
Премиерот на Израел за Си-ен-ен изјавил дека Израел немал никакво предупредување или претходни разузнавачки информации дека е можно да се случи инциндент во авионот, кој превезувал 174 патници кон Израел. Според Нетанјаху, копилотот бил упасен откако го избодел пилотот на авионот за време на летото од Дубаи кон Тел Авив и оти „очигледно се обидел да го урне авионот“.
Избодениот пилот, идентификуван како капетан Смит Мачар, државјанин на Индија, бил пренесне во болница, каде, според информациите, се наоѓа во стабилна состојба. Нетанјаху и индискиот лидер Нерендра Моди за него рекоа дека е херој, бидејќи и покрај раните пружил отпор на напаѓачот.
„И покрај тоа што бил избоден и тешко повреден, тој возвратил, пружил отпор, ја отворил вратата од пилотската кабина и им овозможил на патниците и екипажот да го совладаат напаѓачот, спречувајќи катастрофа“,
напиша Нетанјаху на платформата Икс .
This man is a hero.
— Israel Foreign Ministry (@IsraelMFA) September 30, 2026
Captain Smit Machchhar, the Indian captain of flydubai Flight 1073, fought back after being stabbed in the cockpit.
Despite being severely injured, he managed to unlock the cockpit door – allowing Israeli passengers and the Emirati crew to intervene and save… pic.twitter.com/x4W3mtQkag
Постапките на ранетиот пилот ги пофали и индискиот премиер Моди, кој на социјалните мрежи напиша дека неговата земја е гордна на капетанот Мачар.
„Соочен со крајна опасност и и покрај тоа што беше тешко повреден, тој покажа огромна храброст и непоколеблива решеност да ги заштити животите на другите. Индија е гордна на капатенот Мачар“,
напиша Моди на Икс.
Американскиот претседател Доналд Трамп соопшти дека разговарал со Нетанјаху по инцидентот, наведувајќи дека е можно напаѓачот да бил терорист или дека зад нападот стојат други причини.
Израелскиот министер за одбрана Израел Кац го нарече инцидентот „обид за џихадистички терористички напад“, без да наведе детали.
Што се случи
Летот FZ1073 на компанијата „Флајдубаи“ (Flydubai) полетал од Меѓународниот аеродром во Дубаи (ОАЕ), во 4:05 часот по средноевропско време (7:05 часот по локално време), упатувајќи се кон аеродромот „Бен Гурион“ во Израел.
По околу два и пол часа лет, податоците од веб-страницата за следење летови „Флајтрадар24“ (Flightradar24) покажаа нагло спуштање над Саудиска Арабија, при што авионот изгубил висина од повеќе пд 5 000 метри за помалку од две минути.
Неколку минути подоцна, авионот испрати сигнал за итна состојба – код „сквок 7700“ (squawk 7700) – пред да го смени на кодот „сквок 7500“ (squawk 7 500), со што се пријавува киднапирање.
Околу 20 минути по испраќањето на овие кодови, авионот направи кружен маневар назад кон Саудиска Арабија, каде што подоцна започнал рачно управуван маневар за слетување.
Помалку од еден час подоцна, авионот повторно го активирал кодот „сквок 7 700“.
Кратко по инцидентот, израелските и саудиските воздухопловни сили испратија борбени авиони, додека Нетанјаху одржа итни консултации.
Првичните медиумски извештаи сугерираа дека дошло до тепачка меѓу двајцата пилоти на авионот, што предизвикало нагло спуштање и слетување.
Сепак, во часовите по слетувањето на авионот во Табук, сведоштвата на очевидци, како и Нетанјаху потврдија дека едниот пилот го избодел другиот и, според израелскиот премиер, „очигледно се обидел да го урне“ авионот.
Тој рече дека еден израелски патник му кажал оти „авионот влегол во неконтролирано вртење и почнал да се спушта“ пред патникот и еден член на екипажот да влезат во пилотската кабина и да го совладаат копилотот, кој го извршил нападот со нож. Двајца членови на екипажот кои биле на должност и патувале со летот, потоа успеале безбедно да го приземјат авионот, соопшти „Флајдубаи“ (Flydubai).
#WATCH: Israeli passengers rush the cockpit to rescue their Flydubai flight after the copilot attempted to hijack it. pic.twitter.com/rs9L3EzL2B
— Israel National News – Arutz Sheva (@ArutzSheva_En) September 30, 2026
Во своето обраќање вчера вечер, Нетанјаху ја нарече ситуацијата „многу сериозен безбедносен инцидент“ и изјави дека израелските безбедносни сили „одржуваат близок контакт со надлежните органи за да се обезбеди континуирана безбедност на патниците“.
За разлика од израелскиот министер за одбрана, Нетанјаху не наведе мотив за инцидентот за време на обраќањето.
„Им оддавам признание на овие херои кои покажаа извонредна снаодливост и храброст. Тие спасија многу животи и спречија голема катастрофа“,
додал тој, пренесува Би-би-си.
Од „Флајдубаи“ (Flydubai) соопштија приоритет на компанијата е да обезбеди тековна безбедност, здравје и благосостојба на сите патници и членови на екипажот вклучени во овој инцидент, како и да ја поддржи официјалната истрага“.
Сведоштва на патници во авионот
Еден од патниците, Јанив Хајун, кој се сретнал со изралескиот премиер раскажал како тој и другите патници го совладале напаѓачот.
„Пилотот кој беше избоден се наоѓаше многу блиску до вратата, па ни беше тешко да ја отвориме“,
рекол Хајун во видео објавено на социјалните мрежи од кабинетот на Нетанјаху, додавајќи дека сепак успеале да влезат во пилотската кабина.
Хајун навел дека успеал да го фати напаѓачот за вратот, додека тој обидувал да го онеспособи авионот, пред другите патници да помогнат да го совладаат и да го задржат. Тој додал дека „повлекол контролите“ на авионот и откако леталото се стабилизирало, друг пилот ја презел контролата.