„Боингот 737“, кој според израелските медиуми превезувал околу 150 израелски патници, потоа повторно го испратил почетниот општ сигнал за помош пред да слета на аеродромот „Табук“ во Северозападна Саудиска Арабија
Израелскиот премиер Нетанјаху вели оти разговарал со еден од патниците кој бил вклучен во нападот. Според него, авионот почнал нагло да врти и да губи висина, а напаѓачот се обидел и да ги оневозможи системите на авионот
Авион на „Флајдубаи“, кој летал од Дубаи до Тел Авив, бил пренасочен и принуден да слета во Саудиска Арабија по насилен инцидент меѓу двајца пилоти.
Од авионот прво бил испратен општ сигнал за помош, а потоа сигнал што укажува на можно незаконско мешање во летот.
„Боингот 737“, кој според израелските медиуми превезувал околу 150 израелски патници, потоа повторно го испратил почетниот општ сигнал за помош пред да слета на аеродромот „Табук“ во Северозападна Саудиска Арабија.
Податоците од летот покажале дека авионот изгубил висина од речиси 4 200 метри (14 000 стапки) за помалку од 30 секунди пред да се испрати првиот сигнал за помош, според „Флајтрадар24“.
Пилот од Оман, како што објави „Тајмс оф Израел“, имал намера да изврши самоубиство со соборување на авионот. Ова за медиумот го тврди и неименуван висок израелски функционер кој вели дека е избегната голема катастрофа. Нападнатиот пилот е индиски државјанин.
Footage taken by a passenger aboard the flydubai flight from Dubai to Tel Aviv after the plane took a rapid plunge. https://t.co/O3vd5644pL
— Emanuel (Mannie) Fabian (@manniefabian) September 30, 2026
За случајот се огласи и израелскиот премиер Бенјамин Нетанјаху кој вели дека инцидентот се случил додека авионот се приближувал кон Израел.
„За време на летот, едниот пилот го избол другиот. Се чини дека се обидел да го собори авионот заедно со патниците“,
рече тој во видеопорака.
Нетанјаху додава оти разговарал со еден од патниците кој бил вклучен во нападот. Според него, авионот почнал да нагло да врти и да губи висина, а напаѓачот се обидел и да ги оневозможи системите на авионот.
„Ми кажа дека авионот почнал нагло да врти и да паѓа. Патникот некако успеал да влезе во пилотската кабина со еден од членовите на екипажот и заедно го совладале пилотот кој го избол другиот пилот додека се обидувал да ги саботира системите на авионот“,
рече Нетанјаху.
New Footage Shows Moments After Passengers Seized Control of Flydubai Flight “They attacked us, and we are guarding the pilot here,” one passenger says. https://t.co/oOqaa8H1J8
— ME24 – Middle East 24 (@MiddleEast_24) September 30, 2026
Во авионот имало и втор екипаж. Откако напаѓачот бил совладан, екипажот влегол во пилотската кабина, ја презел контролата и успеал да го стабилизира авионот.
Аеродромот „Табук“ во Саудиска Арабија соопшти дека двајцата пилоти биле хоспитализирани поради повредите.
First footage from the plane One of the passengers is covered in blood after fighting with the pilot. The Tel Aviv–Dubai flight was able to land by a lucky coincidence: there were other pilots on board who were travelling on a business trip. They helped bring the airliner to an airport in Saudi Arabia. This became known from passengers on the flight.
— NEXTA (@nexta_tv) September 30, 2026
Портпарол на кабинетот на израелскиот премиер Дорон Спилман, во изјава за Ројтерс, вели дека Израел планира да ги зголеми безбедносните проверки за меѓународните пилоти кои летаат кон земјата.
„За секој пилот што ќе лета кон Израел ќе го знаеме идентитетот, ќе знаеме кои се тие и ќе спроведеме одреден вид безбедносна проверка“,
вели Спилман.
Тој вели дека израелскиот премиер Бенјамин Нетанјаху им наложил на надлежните органи да ја засилат безбедноста на секој лет во кој израелски државјанин ќе лета кон Израел.
„Нашата задача во моментов е да дадеме сè од себе – дури и ако не станува збор за израелски авиокомпании – за да се осигуриме дека тие безбедносни процедури се на многу повисоко ниво“,
додава Спилман.