Британската влада, која им даде дозвола на САД да ги користат бомбардерите стационирани во Ферфорд за напади врз иранските ракетни позиции што гаѓаа бродови во Ормускиот теснец – соопшти дека премиерот Енди Бернам редовно се информира за инцидентот
Британската полиција уапсила петмина мажи под сомнение за кривични дела поврзани со експлозиви и тероризам, во близина на воздухопловна база што САД ја користеле за напади врз Иран.
Акцијата следува откако добиле дојава дека три возила се упатиле кон базата.
Американскиот претседател Доналд Трамп изјави дека осомничените планирале да нанесат „голема штета“ и дека биле под истрага на британските и американските власти.
Британските детективи за борба против тероризмот, кои ја водат истрагата, соопштија дека полицијата добила повик за три сомнителни возила кои во раните утрински часови денеска се движеле кон базата на Кралските воздухопловни сили (RAF) во Ферфорд, во западна Англија. Петмина мажи беа уапсени од вооружени полицајци и подоцна задржани во притвор под сомнение за подготовка на терористички чин. Полицијата, која изјави дека смета оти ситуацијата е ставена под контрола, сè уште јавно не соопшти кој, според нивните проценки, бил вмешан во случајот. Како најверојатен се смета мотивот поврзан со Иран, изјави извор запознаен со истрагата, додека се разгледуваат и можностите за руска саботажа или заговор од страна на исламисти, јавува „Ројтерс“.
Полицијата соопшти дека околу базата е поставен безбедносен кордон во радиус од 400 метри, додека тимот за отстранување експлозивни направи ги прегледува комбињата. Жителите на 85 куќи во блиското село се евакуирани, а вооружени полицајци патролираа на локацијата.
Британската влада, која им даде дозвола на САД да ги користат бомбардерите стационирани во Ферфорд за напади врз иранските ракетни позиции што гаѓаа бродови во Ормускиот теснец – соопшти дека премиерот Енди Бернам редовно се информира за инцидентот.
I know today’s incident near RAF Fairford will be deeply concerning for local residents and for many people following developments across the country. My thanks go to Gloucestershire Police, Counter Terrorism Policing, our Armed Forces and all those working to keep the public safe. I am especially grateful to those residents who have been asked to leave their homes while precautionary checks are carried out. The safety and security of the public is our first priority, and I want people to know that we will always take every step necessary to protect our communities and keep our country safe. The investigation remains ongoing, and I would urge people not to speculate while the authorities establish the full facts.
— Andy Burnham (@andyburnham) September 27, 2026