Според европската потерница, како што пишува АНА-МПА, италијанските власти бараат негова екстрадиција за да ја отслужи казната што му е изречена за трговија со 35 килограми кокаин
Грчки полицајци уапсиле 46-годишен македонски државјанин против кого италијанските власти воделе постапка за трговија со кокаин, пренесува новинската агенција АНА-МПА.
Лицето било уапсено во саботата од полициски службеници од Поликастро откако влегло во Грција преку граничниот премин „Евзони“.
Според европската потерница, како што пишува АНА-МПА, италијанските власти бараат негова екстрадиција за да ја отслужи казната што му е изречена за трговија со 35 килограми кокаин. Делото наводно е извршено во 2007 година, додека наркотичната супстанција била увезена преку Шпанија и завршила во Неапол, Италија.
Се очекува 46-годишникот да биде изведен пред надлежното Обвинителство во Солун за да се спроведе потерницата и да започнат постапките за негова екстрадиција во Италија.