Еврокомесарката за проширување Марта Кос исто така повика на почитување на одлуката. Таа изјави дека Специјализиранот совет за Косово е независна судска институција и затоа нејзините одлуки треба да се почитуваат
Претставници на Соединетите Американски Држави, Европската Унија и Обединетото Кралство повикаа да се прифати и да се почитува хашката пресуда со која водачите на поранешната ОВК, Хашим Тачи, Кадри Весељи, Реџеп Сељими и Јакуп Красниќи добија долги затворски казни за извршени воени злосторства во текот на косовската војна за независност во 1998 и 1999 година.
Портпарол на американскиот Стејт Департмрнт за Радио Слободна Европа изјавил дека САД ја почитуваат пресудата на Специјализираниот совет за Косово и дека ја поддржуваат правдата за сите жртви и за нивните семејства.
Вашингтон, исто така, ја повторува својата поддршка за одговорност, правично судење и владеење на правото, и повика да се избегнува провокативна реторика по пресудата.
„Ги повикуваме сите страни да ја почитуваат одлуката на судот, да избегнуваат реторика што поттикнува тензии и да продолжат да работат кон мирна и демократска иднина“,
рече портпаролот.
Еврокомесарката за проширување Марта Кос исто така повика на почитување на одлуката. Таа изјави дека Специјализиранот совет за Косово е независна судска институција и затоа нејзините одлуки треба да се почитуваат.
„Одлуки мора да се почитуваат, а осудените имаат право на жалба. Ги повикувам сите актери во регионот да помогнат во заздравувањето на раните од минатото. Само преку помирување земјите од регионот можат да ги надминат своите поделби и да преземат чекори напред кон заедничка иднина во ЕУ“,
напиша Кос на социјалната мрежа Икс.
The Kosovo Specialist Chambers is an impartial and independent judicial body. Its judgments must be respected and the convicted have the right to appeal. This is about individual accountability and justice for victims and their families from all communities in Kosovo. I call on actors in the region to help heal the wounds of the past. Only through reconciliation can the countries of the region overcome divisions and advance towards a common future in the EU.
— Marta Kos (@MartaKosEU) September 16, 2026
Министерот за Европа на Велика Британија, Лорд Стјуарт Вуд, рече дека одлуката на Специјалниот суд е значаен момент, но дека пресудата не се однесува на државноста, суверенитетот или правото на самостојно одредување на сопствената судбина на Косово. И тој повика на смиреност по одлуката.
„Наодите на судот се однесуваат на поединци и не треба да се користат за поттикнување на тензиите меѓу заедниците или низ целиот регион. Во ова критично време, политичките лидери и јавните личности имаат одговорност да промовираат смиреност, да обезбедат секој одговор да остане мирен и да ја дадат приоритет на безбедноста на луѓето“,
вели Вуд.
Обединетото Кралство соопшти дека ја почитува независноста на судот и неговите законски процедури и дека Лондон останува обединет за правда, одговорност и помирување низ целиот регион.
Поранешниот командант на Ослободителната војска на Косово (ОВК), Хашим Тачи, е прогласен за виновен за воени злосторства и осуден на 25 години затвор од страна на Специјализираниот совет во Хаг.
Судот го прогласи за виновен за убиствата на 96 политички противници и поединци за кои се сметало дека соработувале со српските безбедносни сили – извршени од силите на ОВК за време на конфликтот.
Покрај Хашим Тачи, Специјализираниот совет на Хаг ги осуди на повеќегодишни затворски казни и останатите тројца поранешни водачи на Ослободителната војска на Косово (ОВК) – Јакуп Красниќи, Реџеп Селими и Кадри Весели, прогласувајќи ги за виновни за воени злосторства извршени за време на војната во Косово.
Хашим Тачи и Јакуп Красниќи добија затворски казни од по 25 години, Кадри Весели е осуден на 18 години затвор, а Реџеп Селими доби казна затвор од 13 години. Специјализираниот совет на Хаг успеал да утврди дека четворицата поранечни водачи на ОВК не извршиле никакви злосторства против човештвото, но дека се одговорни за воени злосторства со незаконско апсење на најмалку 385 лица.
Немири денеска се случија пред зградата на ЕУЛЕКС во Косово, како и пред зградата на Специјализираниот совет во Хаг по изрекувањето на пресудата за поранешните водачи на Ослободителната војска на Косово (ОВК).
Неколку лица се уапсени за време на овие немири.
Според приштинскиот портал „Индексонлајн“, по изрекувањето на пресудата демонстранти се упатиле кон зградата на ЕУЛЕКС, која ја обезбедувале припадници на специјалните единици на косовската полиција.
Според снимките објавени од порталот, дел од насобраните фрлале шишиња кон полицијата и објектот.