Иранските државни медиуми потврдија дека американските сили погодиле три од нивните танкери за нафта, вклучувајќи еден во близина на островот Харг, пишува Би-би-си
Американската војска соопшти дека погодила три танкери за нафта поврзани со Иран откако биле лансирани балистички ракети кон два воени брода на американската морнарица во регионот.
Централната команда на САД (ЦЕНТКОМ) соопшти дека трајно онеспособила еден танкер во близина на островот Харг и друг во близина на Џаск во Оманскиот Залив, и целосно уништила трет во Оманскиот Залив.
„Едноставно е: ако Иран пука кон американски бродови, ние ќе ги уништиме и потопиме нивните танкери за нафта“,
напиша министерот за одбрана Пит Хегсет на социјалните медиуми.
It’s simple: if Iran shoots at U.S. ships, we will destroy (and sink) their oil tankers. All they have to do is not shoot at @USNavy.
— Pete Hegseth (@PeteHegseth) September 5, 2026
Iran’s oil tanker fleet is defenseless — Iran has no navy or air force. Our planes, ships & subs can strike them all, in @CENTCOM & @USPACOM. https://t.co/lr5TaxloBw
Иранските државни медиуми потврдија дека американските сили погодиле три од нивните танкери за нафта, вклучувајќи еден во близина на островот Харг, пишува Би-би-си.
Островот Харг е на 24 километри од брегот на Иран. Деведесет проценти од суровата нафта на Иран доаѓа преку терминал на островот – транспортирана преку цевки од копното.
Иранскиот државен медиум IRIB објави дека немало жртви во нападот врз танкерот во близина на островот Харг, а снимките покажуваат дека системот за ладење на бродот го изгаснал пожарот во рок од еден час.
Екипажите на двата нападнати танкери во Оманскиот Залив биле однесени на брегот со чамци за спасување, објави IRIB. Еден од тие танкери бил празен, а другиот носел нафта, се додава во написот.
Техеран не ги призна веднаш иранските напади врз американските бродови.
ЦЕНТКОМ соопшти дека успешно избегнал повеќекратни напади од корпусот на иранската Исламската револуционерна гарда (ИРГЦ) насочени кон американски носач на авиони и разурнувач со водени ракети. Ниту еден американски војник не бил повреден.
„Нека пораката до ИРГЦ биде јасна: Ако пукате во два од нашите брода, ќе наметнеме уште поголема економска цена – уништувајќи три од вашите. Нема да се двоумиме да ги браниме американските сили и, доколку е потребно, да ја уништиме ограничената и изложена нафтена флота на Иран“,
вели адмиралот Бред Купер, командант на ЦЕНТКОМ.
Централната служба, која ги надгледува американските воени операции на Блискиот Исток, тврди дека трите ирански танкери за нафта биле „дел од мрежа во сенка вредна повеќе милијарди долари што ја финансира ИРГЦ и нејзините регионални посредници“.
Нападите доаѓаат речиси една недела по обновените напади меѓу САД и Иран, кои следеа по период на релативен мир меѓу завојуваните страни.