„Иако, ако гледате буџетски, тоа не е некој голем проект, повеќе е инженерски и технички и затоа решивме да го преземеме, затоа што, секако, експерти што се занимаваат со оваа работа има и во Министерството, ги има во Јавното претпријатие за државни патишта и ги консултираме за оваа работа“, изјави министерот за транспорт Александар Николоски
Вицепремиерот и министер за транспорт Александар Николоски во интервју за ТВ Телма рече дека проблемот со свлечиштето на патот кон населбата Теферич во Општина Кисела Вода е комплициран и бара поголема експертиза.
Николоски рече дека затоа Министерството ќе ја преземе обврската да го санира.
„Таму има едно движење на земјиштето што е доста комплицирано, многу слично на она со кое се соочивме на автопатот Кичево-Охрид и, имајќи предвид дека се работи за проблематика што е мошне сложена, за проблематика каде што е потребна голема стручност, сметавме дека е добро тоа да го преземе Министерството за транспорт, со експертите што ги имаме и на тој начин да се санира проблемот. Иако, ако гледате буџетски, тоа не е некој голем проект, повеќе е инженерски и технички и затоа решивме да го преземеме, затоа што. секако, експерти што се занимаваат со оваа работа има и во Министерството, ги има во Јавното претпријатие за државни патишта и ги консултираме за оваа работа“,
рече Николоски.
Нагласи дека тендерот за изведувач сè уште трае, а по изборот на изведувач ќе започнат работите на терен и очекува за една година проблемот со лизгањето на земјиштето да биде решен.
„Во моментов има тендер за избор на изведувач. Ако не се лажам, тоа е 20 август. Потоа ние заедно со изведувачот ќе работиме и убеден сум дека проблемот ќе се реши. Многу е важно теренот да е сув, оставаме една година, но треба да видиме и зимата каква ќе биде, но се претпоставува дека за година дена треба да се заврши како што треба“,
смета тој.