Земјоделците од струмичко со трактори и со разна механизација и го блокираа центарот на Струмица. На протестот повторија дека се незадоволни од понудените откупни цени и побараа зголемување за пиперката „куртовска капија“
Новиот протест на земјоделците следи по вчерашната средба со министерот за земјоделство, Борче Серафимовски, кому му пренеле дека понудената откупна цена од 25 денари за килограм не е доволна ниту за покривање на трошоците за производство.
,,Вчера министерот ни вети дека ќе издејствува повисока откупна цена. Доколку не добиеме цена прифатлива со која ќе ги покриеме производствените трошоци, ние од вторник повторно излегуваме на протести и блокади“,
изјави Александар Грозданов, преставник на Здружението „Млади Муртино“.
Земјоделците прашуваат како е можно при зголемени трошоци на производство и временски непогоди годинава да се нудат пониски откупни цени споредено со лани кога оваа сорта пиперка се продавала од 35 до 40 денари за килограм.