Минималните температури ќе се движат во интервал од 9 до 18 Целзиусови степени, додека максималните ќе се искачат од 30 до 39 степени
Управата за хидрометеоролошки работи (УХМР) за денеска најавува сончево и многу топло време со мала локална облачност. Ќе дува слаб до умерен ветер со променлив правец. Минималните температури ќе се движат во интервал од 9 до 18 Целзиусови степени, додека максималните ќе се искачат од 30 до 39 степени.
Времето во Скопје ќе биде сончево и толо со слаб до умерен променлив ветер. Температурите ќе се движат од минимални 18 до максимални 38 степени.
Во деновите од продолжениот викенд и до крајот на следната седмица времето ќе биде сончево и многу топло со умерена локална облачност. Според најавата на УХМР, дневните температури насекаде ќе бидат над 33 Целзиусови степени, а некаде ќе надминат и 40 степени. Високите температури ќе се задржат и во вечерните и ноќните часови.
