Концептот за изградба на болницата денеска во разгледаа заменик-министерот за здравство Јовица Андовски, градоначалникот на Општина Кичево, Александар Јованоски и директорката на Општата болница Кичево, Маја Цветановска Трајковска. На средбата присуствуваше и делегација на Светска банка
Кичево е пред еден од најзначајните капитални проекти за здравството во овој регион – соопштија денеска од Министерството за здравство, најавувајќи го проектот за изградба на нова болница во Кичево. Планираната инвестиција изнесува 1,38 милијарди денари, односно 22,5 милиони евра.
Концептот за изградба на болницата денеска во разгледаа заменик-министерот за здравство Јовица Андовски, градоначалникот на Општина Кичево, Александар Јованоски и директорката на Општата болница Кичево, Маја Цветановска Трајковска. На средбата присуствуваше и делегација на Светска банка.
Според најавите на ресорното министерство, новата болница треба да обезбеди современи услови за дијагностика, лекување и ургентна медицина, модерни системи за медицински гасови и енергетски ефикасни решенија и поквалитетна и подостапна здравствена заштита за жителите на Кичево и околните населени места.
„Време е Кичево да добие трајно и функционално решение. Граѓаните заслужуваат сигурна здравствена грижа во својот град, а здравствените работници современи услови за работа. Новата болница ќе стави крај на долгогодишната неизвесност и ќе создаде современ здравствен центар што ќе им служи на сегашните и идните генерации“,
порача заменик-министерот за здравство Јовица Андовски.