Екипа на „360 степени“ беше на терен, каде што се увери во штетите кои се видливи во кругот на болницата. Во дворот на ГОБ „8 Септември“ има голем број паднати дрвја, а видливи се и делови од кровната конструкција откорнати од силниот ветер што вчера го погоди главниот град. При влез во внатрешноста на објектот, не забележавме никакви оштетувања. Болницата од утринава работи непречено и прима пациенти
Силниот ветер и дожд што вчера попладне ја зафатија Скопската Котлина предизвикаа штети и на кровната конструкција на Градската општа болница „8 Септември“ во скопски Карпош.
Директорот на болницата Синиша Стојаноски во писмена изјава за „360 степени“ потврди дека се оштетени кровот и кровната конструкција на објектот, но вели дека се чека увид од надлежните служби бидејќи и тие самите не го знаат целосниот опсег на материјалната штета која е предизвикана во невремето.
Во меѓувреме, уверува Стојаноски, болницата работи непречено со целосен капацитет.
„Штетата не се одразува на функционирањето и капацитетот на болницата“,
вели Стојаноски.
Екипа на „360 степени“ беше на терен, каде што се увери во штетите кои се видливи во кругот на болницата.
Во дворот на ГОБ „8 Септември“ има голем број паднати дрвја, а видливи се и делови од кровната конструкција откорнати од силниот ветер што вчера го погоди главниот град. При влез во внатрешноста на објектот, не забележавме никакви оштетувања. Болницата од утринава работи непречено и прима пациенти.
Вчерашното невреме што го погоди Скопје оштети повеќе објекти од витално значење. Меѓу нив се и претседателскиот комплекс Вила Водно, објектите на Основното јавно обвинителство за гонење на организираниот криминал и корупцијата (ОЈО ГОКК), аеродромската полициска база во Петровец, објектот „Нова Македонија“, како и објектите на Министерството за финансии, Министерството за земјоделство и Јавното обвинителство.