Генералниот директор на СЗО, Тедрос Аданом Гебрејесус, додава дека Европа се загрева двојно повеќе од глобалниот просек. Додава дека во моментов 150 милиони луѓе живеат во услови на екстремна топлина, а како последица на тоа, стотици се починати
Од 21 јуни досега регистрирани се повеќе од 1 300 смртни случаи поврзани со високите температури во Европа – објави шефот на Светската здравствена организација (СЗО), Тедрос Аданом Гебрејесус.
„Топлотниот стрес често се нарекува ‘тивок убиец’ – а европските домови, работни места и училишта не се изградени за овие температури“,
порача Гебрејсус во објава на Икс.
Генералниот директор на СЗО додава дека Европа се загрева двојно повеќе од глобалниот просек и е континентот што најбрзо се затоплува на Земјата. Во моментов, посочува Гебрејсус, 150 милиони луѓе живеат во услови на екстремна топлина, а како последица на тоа, стотици се починати.
„Светската здравствена организација работи со своите земји-членки и партнери за справување со заканите по здравјето што ги носи екстремната топлина преку подготвеност, превенција и посилни одговори на здравствениот систем. Ги охрабруваме европските земји да спроведат акциони планови поврзани со топлината, како дел од пошироката агенда за заштита на здравјето од климатските промени“,
порача Гебрејсус.
Europe is the fastest-warming continent on Earth, heating at twice the global average. Right now 150 million people are living under extreme heat, hundreds have died, schools are shut, grids are buckling.
— Tedros Adhanom Ghebreyesus (@DrTedros) June 28, 2026
Driven by climate change and global warming, the phenomenon of the…
Германија, Чешка и Полска денеска се соочуваат со екстремно високи температури.
Во Источна Германија денеска се измерени 41,7 степени Целзиусови. Во Чешка беше измерен втор последователен температурен рекорд, откако во местото Доксани, северно од Прага, беа измерени 41,1 Целзиусов степен. Полска, исто така, го сруши својот температурен рекорд со 40,5 степени во пограничниот град Слубице.