Иако воведоа ограничувања за продажба на бензин и дизел, руските власти ја намалуваат секоја поврзаност со војната во Украина. Повеќето официјални лица велат дека целта е да се спречат „вештачки создадени“ недостатоци
Најмалку 15 руски региони вчера воведоа ограничувања на продажбата на гориво поради недостатоци што доаѓаат од нападите со украински беспилотни летала врз рафинериите за нафта. Минатонеделниот напад врз московската рафинерија, една од најголемите во земјата, ја запре нејзината работа. Таа фабрика снабдува 40 проценти од московскиот пазар и поголемиот дел од регионот, пишува „Киев индипендент“ повикувајќи се на руски функционери и медиуми.
Иако воведоа ограничувања за продажба на бензин и дизел, руските власти ја намалуваат секоја поврзаност со војната во Украина. Повеќето официјални лица велат дека целта е да се спречат „вештачки создадени“ недостатоци.
Во Белгородскиот Регион, како што се додава во написот, поединци може да купат максимум 30 литри бензин или 60 литри дизел на пумпите на „Лукоил“, продажбата во канистри е ограничена во „Роснефт“, а „Гаспром нефт“ престанал да продава бензин 95.
Освен во Белгород, ограничувања се воведени и во други региони што се оддалечени илјадници километри од украинската граница.
The Moscow-Saint Petersburg highway. A massive queue has formed at a gas station. Fuel sale restrictions have been introduced across Russia. pic.twitter.com/zJm8VuL2pK
— WarTranslated (@wartranslated) June 16, 2026
Рускиот вицепремиер Александар Новак вчера изјави дека ситуацијата со горивото е „тешка, но под контрола“. На состанокот со претседателот Владимир Путин тој рече дека Русија размислува за забрана на извозот на дизел, додека извозот на бензин е забранет уште во март. Новак тврди дека ограничувањата за продажба на национално ниво се должат на „повремени и објаснети логистички проблеми“.
❗️A massive fuel queue has formed on the M-11 highway between Moscow and St. Petersburg
— NEXTA (@nexta_tv) June 16, 2026
Drivers are reportedly being forced to wait in line for up to three hours just to refuel.
Videos circulating online show long lines of vehicles stretching along the highway as motorists… pic.twitter.com/vzzxkc6Mzy
Украина ги смета руските рафинерии за нафта за легитимни воени цели бидејќи произведуваат гориво и залихи за воената машинерија на Кремљ. Најновите напади вршат дополнителен притисок врз руската нафтена индустрија, која веќе е под притисок од западните санкции.
Недостатокот на гориво се чувствува силно и во окупираниот Крим, каде што ограничувањата за продажба се во сила со недели.