Според носителката на листатат на ВМРО-ДПМНе во ИЕ 6, македонскиот народ, во изминатите три години, станал кираџија во сопствената куќа
Дафина Стојаноска, носителка на листатат на ВМРО-ДПМНЕ во шестата изборна единица, на средба со жители на Брвеница остро го нападна лидерот на СДСМ Зоран Заев, прогнозирајќи дека тој на 15 јули „ќе заврши како политички Пинокио.
„Јас верувам дека мојот народ на овие избори ќе го направи вистинскиот избор. Дека ќе им сврти грб на лажливите политичари кои правдата ја испорачуваат во торби полни со пари, кои викаа на цел глас низ Македонија ‘нема правда и нема мир’, а цела Македонија ја направија една огромна неправда за само три години“,
рече Стојаноска, на настан на кој присуствувал и лидерот на ВМРО-ДПМНЕ Христијан Мицкоски.
Стојаноска оцени дека во изминативе три години македонскиот народ бил многу оштетен, ограбен, понижен, осиромашен, излажан и навредуван. Во сопствената куќа, како што посочи, македонскиот народ стана кираџија.
„Заев си го исклучи воздухот кој што си го дишеше, ги искина жиците на клавирот и гитарата, а заборави на она што некогаш го вети. Ги предаде своите таткови и чичковци, и се прашувам што сега му објаснува на својот сопствен син за Македонија од која направи црна дупка“,
посочува Стојаноска.