Поради овој дипломатски судир, италијанскиот министер за надворешни работи Антонио Тајани во знак на протест ја откажа својата официјална посета на Вашингтон закажана за 21 и 22 јуни
Избувна нова кавга меѓу Рим и Вашингтон откако американскиот претседател Доналд Трамп во изјава за италијанскиот радиодифузер „Ла 7“ изјави дека премиерката Џорџа Мелони го молела да направат заедничка фотографија на маргините од самитот на Г7 кој се одржа неделава.
Во разговорот Трамп наводно рекол:
„Ме молеше да се сликам со неа! Толку многу сакаше фотографија со мене. Не би ја направил, но ми беше жал за неа.“
Италијанската премиерка веднаш одговори преку видео објавено на социјалните мрежи во кое порача дека е зачудена од, како што рече, целосно измислените тврдења на Трамп.
„Ниту јас ниту Италија никогаш не молиме никого за ништо“,
вели Мелони.
Таа упати и критики до надворешната политика на американскиот претседател.
„Не знам зошто претседателот на САД се однесува вака кон своите сојузници: ова не е првпат. Можам само да кажам дека е разочарувачки што не покажува иста решителност кон непријателите на Западот и на САД, кон чии лидери се однесува со многу поголема попустливост“,
додава таа.
🇺🇸🔥🇮🇹🇪🇺 Major political clash between Italy and the United States.
— The Europeans (@TheEuropeansHQ) June 19, 2026
In a call to an Italian TV programme, @realDonaldTrump has claimed that @GiorgiaMeloni "begged" him to take a picture with her during the recent G7 summit.
Meloni has just delivered one of the sharpest public… pic.twitter.com/5pf9nwZ9fk
Мелони смета дека какви и да се политичките преференции на некого, претседателот на САД нема право јавно да се потсмева или навредува на демократски избраниот лидер на близок европски сојузник.
„Детското и непотребно конфронтациско однесување на претседателот Трамп е недостојно за функцијата што ја извршува и за големата нација што ја претставува“,
вели Мелони.
Поради овој дипломатски судир, италијанскиот министер за надворешни работи Антонио Тајани во знак на протест ја откажа својата официјална посета на Вашингтон закажана за 21 и 22 јуни.
„Сериозните и навредливи зборови на претседателот Трамп кон премиерката Џорџа Мелони ја навредуваат цела Италија“,
напиша шефот на дипломатијата на социјалната мрежа Икс.
Le gravi e offensive parole del Presidente Trump nei confronti del Presidente del Consiglio Giorgia Meloni offendono tutta l’Italia. Per questo motivo ho deciso di annullare la mia visita negli Stati Uniti prevista per i prossimi 21 e 22 giugno.
— Antonio Tajani (@Antonio_Tajani) June 19, 2026
Италијанските медиуми пренесуваат дека претседателот на Италија, Серџо Матарела, веднаш телефонски ја побарал Мелони за да ѝ изрази целосна солидарност по потсмешливите коментари од Белата куќа.
И министерот за одбрана Гвидо Кросето, исто така, застана во одбрана на премиерката и нагласи дека не може ни да замисли Мелони да моли некого за слика и додаде дека ваквите испади на Трамп му штетат на целиот трансатлантски сојуз.