Несреќата се случила по автопатската клучка за Кавадарци
Две лица загинаа, а едно е тешко повредено во сообраќајка што попладнево околу 13:30 часот се случила на експресниот пат Градско – Прилеп помеѓу две патнички возила, потврдија од Министерството за внатрешни работи.
Несреќата се случила по автопатската клучка за Кавадарци.
Екипа на Итната медицинска помош Кавадарци на местото на несреќата констатирала смрт кај возачот и неговата сопатничка од едното возило, а кај возачот на другото возило биле констатирани тешки телесни повреди. Од Општата болница Кавадарци тој бил пренесен во Комплексот клиники ,,Мајка Тереза“ во Скопје.
„Увид на местото врши јавен обвинител во содејство со увидна екипа од ОВР Кавадарци. Сообраќајот е во прекин и е пренасочен по регионалниот пат“,
информираат од МВР.
Раководителот на Итната медицинска помош Кавадарци, доктор Антоан Паракеов, во изјава за МИА вели дека до сообраќајната несреќа дошло по директен судир на двете возила.