fbpx
Свет

Земјотрес со јачина од 6,1 степен регистриран во Куба

360степени | 9 јуни, 2026 08:10

Пол Ерл, сеизмолог во Геолошкиот завод на САД вели дека толку силен земјотрес немало во радиус од 200 милји (322 километри) околу епицентарот уште од 1880 година, кога потрес со магнитуда од 6 степени го погодил Сан Кристобал, Куба

Земјотрес со јачина од 6,1 степен по Рихтеровата скала синоќа е регистриран во западниот дел на Куба.

Според Геолошкиот завод на САД (УСГС), земјотресот бил на длабочина од 26 километри.

Епицентарот бил на 104 километри западно-северозападно од градот Мантуа.

Земјотресот бил почувствуван и во Мексико и во американската сојузна држава Флорида.

Вилијам Барнхарт, геофизичар од Американскиот геолошки завод, го опиша земјотресот како исклучително редок. Тоа е најголемиот земјотрес некогаш регистриран во Мексиканскиот Залив со современи инструменти, кои датираат од 1950-тите години.

Пол Ерл, сеизмолог во УСГС, вели дека земјотресот бил невообичаен за оваа област на Карибите, истакнувајќи дека потресот се случил во тектонска плоча, каде што земјотресите обично се поретки отколку кога се случуваат по границите на плочите.

Ерл вели дека толку силен земјотрес немало во радиус од 200 милји (322 километри) околу епицентарот уште од 1880 година, кога потрес со магнитуда од 6 степени го погодил Сан Кристобал, Куба.

Властите сè уште не пријавиле поголеми штети или жртви, но земјотресот предизвикал загриженост кај жителите.

По земјотресот не е издадено предупредување или тревога за цунами, според Националната метеоролошка служба на САД.

©2026 360 степени, Сите права се задржани