Се очекуваат поинтензивни атмосферски процеси во форма на невреме, со пообилен пороен дожд до 20 литри на квадратен метар, електрични празнења, силен ветер и појава на град
И во наредните денови ќе се задржи променливото облачно време со сончеви периоди. Во сабота и понеделник повторно се очекува дестабилизација на времето, со пообилен пороен дожд, грмежи, засилен ветер и услови за локално невреме
Времето денеска ќе биде променливо облачно со повремени врнежи од дожд, кои на повеќе места ќе бидат проследени со грмежи, информираат од Управата за хидрометеоролошки работи (УХМР).
Се очекуваат локално поинтензивни атмосферски процеси во форма на невреме, со пообилен пороен дожд до 20 литри на квадратен метар, електрични празнења, силен ветер и појава на град.
„Утринската температура ќе се движи од 9 до 16 степени, додека дневната ќе достигне меѓу 21 и 29 степени“,
се вели во прогнозата на синоптичарите.
Во Скопје ќе преовладува променливо облачно време со повремени врнежи од дожд.
Во одделни делови од котлината се очекуваат поинтензивни врнежи и нестабилност проследени со грмежи, засилен ветер и изолирана појава на град.
Температурата ќе се движи од 14 до 27 степени.
Од УХМР најавуваат дека и во наредните денови ќе се задржи променливото облачно време со сончеви периоди. Во сабота и понеделник повторно се очекува дестабилизација на времето, со пообилен пороен дожд, грмежи, засилен ветер и услови за локално невреме.