Според објавените податоци, цената на еуросупер БС-95 изнесува 87,50 денари за литар, додека еуросупер БС-98 се продава по 89,50 денари за литар. Цената на еуродизел БС (Д-Е В) изнесува 92,00 денари за литар
Регулаторната комисија за енергетика (РКЕ) соопшти дека од полноќ се менуваат малопродажните цени на нафтените деривати, при што бензините и екстра лесното масло за домаќинство поскапуваат, додека цената на дизелот останува непроменета.
Според одлуката, малопродажните цени на бензините еуросупер БС-95 и БС-98, како и на екстралесното масло за домаќинство (ЕЛ-1), се зголемуваат за 0,50 денари по литар.
Цената на еуродизел (Д-Е В) останува иста.
Воедно, поскапува и мазутот М-1 НС, чија цена се зголемува за 0,330 денари по килограм и ќе изнесува 51,144 денари.
Според објавените податоци на РКЕ, цената на еуросупер БС-95 ќе изнесува 87,50 денари за литар, додека еуросупер БС-98 ќе се продава по 89,50 денари за литар.
Цената на еуродизел БС (Д-Е В) изнесува 92,00 денари за литар, а екстралесното масло за домаќинство (ЕЛ-1) чини 94,00 денари за литар.
Мазутот М-1 НС ќе се продава по цена од 51,144 денари за килограм.