Претседателката на Европската комисија, Урсула фон дер Лајен, по предупредувањето изјавила дека Русија и Белорусија се директно одговорни за низата упади со беспилотни летала во воздушниот простор на земјите од ЕУ и НАТО во текот на последните недели
Претседателот и премиерката на Литванија биле итно однесени во подземни бункери, а жителите на главниот град Вилнус биле повикани да се засолнат за време на предупредувањето издадено откако дрон го наруши воздушниот простор на земјата, пишува „Гардијан“.
Воздушниот и железничкиот сообраќај во и околу градот бил прекинат по предупредувањето испратено на мобилните телефони „засолни се“, прво издадено во земја од ЕУ и НАТО од почетокот на целосната инвазија на Украина од страна на Русија во 2022 година.
„Предупредување за воздушен напад!. Веднаш одете во засолниште или безбедно место, грижете се за членовите на вашето семејство и почекајте понатамошни инструкции“,
се вели во предупредувањето на Министерството за одбрана кое било испратено денеска.
Lithuanian government was taken to a bunker
— NEXTA (@nexta_tv) May 20, 2026
A drone approaching from Belarus triggered a security alert in Lithuania. The president, prime minister, and speaker of the Seimas were urgently taken to shelters.
Members of the Lithuanian parliament (photo) were likewise in… https://t.co/D3s1GnSmWB pic.twitter.com/6UhP8HqVlq
Училиштата ги однеле децата во одредени засолништа, луѓето во канцелариите и станбените згради се спуштиле во подруми, а претседателот на Литванија, Гитанас Науседа, и премиерката, Инга Ругиниен, биле однесени во бункери заедно со членовите на кабинетот и пратениците.
🚨RUSSIAN ATTACK
— 𝗝𝘂𝗮𝗻𝗮 𝗜𝗻𝗲́𝘀 (@JuanaInesX) May 20, 2026
LITHUANIAN AUTHORITIES SAY A RUSSIAN ATTACK IS UNDERWAY AGAINST LITHUANIA
Children are taking shelter in schools under their desks due to air raid sirens.
In the city of Vilnius pic.twitter.com/nKjoUtbsxW
Претседателката на Европската комисија, Урсула фон дер Лајен, по предупредувањето изјавила дека Русија и Белорусија се директно одговорни за низата упади со беспилотни летала во воздушниот простор на земјите од ЕУ и НАТО во текот на последните недели.
„Јавните закани на Русија против нашите балтички држави се целосно неприфатливи. Да нема сомнение. Заканата против една земја членка е закана против целата наша Унија. Русија и Белорусија се директно одговорни за беспилотните летала што ги загрозуваат животите и безбедноста на луѓето на нашето источно крило“,
вели Фон дер Лајен во објава на Икс.
Таа додава дека Европа ќе одговори со единство и сила и оти ќе продолжи да ја зајакнува безбедноста на источното крило со силна колективна одбрана и подготвеност на секое ниво.
Russia’s public threats against our Baltic States are completely unacceptable.
— Ursula von der Leyen (@vonderleyen) May 20, 2026
Let there be no doubt.
A threat against one Member State is a threat against our entire Union.
Russia and Belarus bear direct responsibility for drones endangering the lives and security of people…
Генералниот секретар на НАТО, Марк Руте, изјави дека дури и ако беспилотните летала што биле во балтичките држави биле лансирани од Украина, тие не биле таму затоа што Украина сака да испрати беспилотно летало во Латвија, Литванија или Естонија. Тие се таму поради неодговорниот, нелегален, целосен напад на Русија.
Вилмантас Виткаускас, раководител на Националниот центар за управување со кризи, изјави дека е забележан дрон во областа Вилнус.
„Врз основа на параметрите што ги видовме, најверојатно станува збор за борбен дрон или за дрон дизајниран да ги измами системите и да ги намами целите. Електронските контрамерки овде не можат да ни кажат дали експлозивна направа детонирала или не“,
рече Виткаускас.
Литванскиот министер за одбрана Робертас Каунас изјави дека дронот дошол од Латвија и дека не е познато дали се урнал или го напуштил воздушниот простор на Литванија. Борбените авиони на НАТО не можеле да го лоцираат, соопштија властите.
Министерот за надворешни работи на Литванија, Кестутис Будрис, во вторникот ја обвини Москва за намерно пренасочување на украинските беспилотни летала во балтичкиот воздушен простор, додека ги обвинува сите три балтички држави.