Французинка заразена со хантавирус е во критична состојба, симптомите ги развила по евакуацијата од крузерот

Пациентката има тешка форма на болеста што предизвикала животозагрозувачки проблеми со белите дробови и срцето. Таа е приклучена на апарат кој испумпува крв низ вештачки бели дробови, обезбедувајќи кислород и враќајќи го во телото

Французинка заразена со хантавирус на крузерот „Хондиус“ е во критична состојба.

Таа во моментов е хоспитализирана во болница во Париз. Специјалистот за заразни болести во болницата во која е хоспитализирана жената, доктор Ксавиер Лескур, изјави дека пациентката има тешка форма на болеста што предизвикала животозагрозувачки проблеми со белите дробови и срцето. Таа е приклучена на апарат кој испумпува крв низ вештачки бели дробови, обезбедувајќи кислород и враќајќи го во телото.

Жената почнала да развива симптоми на хантавирус по евакуацијата од крузерот, односно во текот на летот до дома, изјави министерката за здравство на Франција, Стефани Рист.

• Хантавирус: Глобална евакуација на патниците од бродот „Хондиус“, еден Французин има симптоми

Во понеделникот вечерта заврши евакуацијата од крузерот и на 87 патници и 35 членови на екипажот. По евакуацијата „Хондиус“ се враќа во Холандија, каде што ќе биде исчистен и дезинфициран.