Податоците за смртноста од ковид-19 се важни, но не е многу важно да се прави споредба со другите држави, рече советникот во СЗО, Фабио Скано, кој деновиве е во посета на земјава.
Зборувајќи токму на тема за стапката на смртност, тој посочи дека државите имаат различни начини за одредување на причините на смртноста, па можеби некогаш не се бројат починатите во или надвор од болниците, оние што се потврдени или непотврдени случаи итн.
„Она што можам да го кажам е дека Северна Македонија е многу транспарентна во однос на споделување на информациите за луѓето што починале од ковид-19. Ова ни помага да научиме повеќе за болеста. Во овој контекст сметам дека е мошне важна точка. Не треба да се споредувате со други држави, треба да видите како се ширела епидемијата во останатите држави“,
рече Скано на заедничката прес-конференција со министерот за здравство Венко Филипче.