Како што кажа Петрушевски, Дака ѝ станал познат на македонската јавност во времето на Заев кога во 2020 година излегоа аудиоснимки за тоа како поранешниот премиер земал пари за да се види со него и да направат бизнис. Понатаму, во снимката Дака вели дека Заев овие пари ги искористил за инженеринг на референдумот за името
Прорускиот партнер на поранешниот премиер Зоран Заев, Миодраг Давидовиќ-Дака, е човек со контроверзно минато и кој е на „црната листа“ на САД поради сомнежи за корупција и злоупотреба на влијание на Балканот, вклучително и Македонија, соопшти на денешната прес-конференција пратеникот од ВМРО-ДПМНЕ, Бране Петрушевски.
Ова следува откако денеска портпаролката и членка на Извршниот одбор на Социјалдемократскиот сојуз (СДСМ), соопшти дека фирма на Миодраг Давидовиќ-Дака, „Хронос сум“, од јануари годинава е ставена во Годишниот план за изградба на енергетски објекти за 2026 година од страна на министерката за енергетика Сања Божиновска.
Според Петрушевски, Дака ѝ станал познат на македонската јавност во времето на Заев кога во 2020 година излегоа аудиоснимки за тоа како поранешниот премиер земал пари за да се види со него и да направат бизнис.
„Во аудиоснимката која пред неколку години излезе на социјалните мрежи, Дака вели дека дал 300 000 евра и 2 000 квадратни метри земјиште на Заев за возврат да добие услуга. Понатаму, во снимката Дака вели дека Заев овие пари ги искористил за инженеринг на референдумот за името. Во аудиоснимката разговараат и Дака и Зоран Милески-Кичеец, кој, инаку, е главен посредник на Заев во случајот, се споменува и името на Драги Рашковски, поранешен генерален секретар на Владата на Заев. Тоа значи дека што значи дека тогашната власт на СДС и тоа како добро била поврзана со контроверзниот проруски бизнисмен Дака, па дури и го рекетирале за да можат да спроведат инженеринг на референдумот за името“,
вели тој.
Пратеникот и се заблагодари на опозицијата за укажувањето дека фирмата „Хронос сум“ била во сопственост на прорускиот бизнисмен Дака.
„Ја користиме оваа прилика да им се заблагодариме на СДСМ, кои многу добро ги знаат сите фирми на Дака, со кои нивниот шеф Заев има соработувано и заработувано за укажувањето за фирмата ‘Хронос сум’, дека била во сопственост на прорускиот бизнисмен Дака“,
рече Петрушевски.
ВМРО-ДПМНЕ, како што рече, ќе ги преземе сите законски можности за оваа фирма да не гради и да не инвестира во енергетски објекти, иако ги има исполнето сите услови и законски критериуми.
„Ова во времето на СДС и Заев беше мисловна именка, а ВМРО-ДПМНЕ нема да прави како што правеше власта на СДС и Заев“,
кажа пратеникот.