Израелскиот премиер Бенјамин Нетанјаху изјави дека убиството на Лариџани е дел од напорите да им се даде шанса на Иранците да ги отстранат своите владетели
Израел го нападна Али Лариџани, шефот на Врховниот совет за национална безбедност на Иран, во удар врз Техеран доцна синоќа. Израелскиот министер за одбрана Израел Кац тврди дека Лариџани е убиен. Потврда дека Израелските одбранбени сили (ИДФ) го убиле Лариџани за Би-би-си дава и израелски воен функционер.
ИДФ ја објави веста дека Лариџани е елиминиран и на профилот на Икс каде што се вели дека тој бил еден од најискусните личности во раководството на иранскиот режим и близок соработник на врховниот лидер Али Хамнеи.
„Али Лариџани, секретар на Врховниот совет за национална безбедност на Иран и ефективен лидер на режимот, е елиминиран. За време на најновиот бран протести против иранскиот терористички режим, Лариџани лично го надгледуваше масакрот што беше извршен против иранските демонстранти“,
се вели во објавата од ИДФ.
🔴Ali Larijani, Secretary of Iran’s Supreme National Security Council and the regime’s effective leader, has been eliminated.
— Israel Defense Forces (@IDF) March 17, 2026
Throughout the years, Larijani was considered one of the most veteran and senior figures within the Iranian regime leadership, and was a close associate… pic.twitter.com/kBIgSSGBm0
Иран сè уште не ја потврдил смртта на Лариџани, а државните медиуми објавија фотографија од рачно напишана порака за која се вели дека ја издал тој, а е објавена и на неговите профили на социјалните мрежи кратко по најавите за погребот на убиените припадници на иранската морнарица.
„Нивното сеќавање ќе живее засекогаш во срцата на иранскиот народ, а нивното мачеништво ќе ги зајакне темелите на Исламската републиканска армија во рамките на вооружените сили во годините што доаѓаат“,
се вели во пораката.
Во првиот бран напади, се додава во написот на Би-би-си, убиени се и советникот за безбедност Али Шамкани, министерот за одбрана Амир Насирзаде, командантот на Револуционерната гарда, генерал Мохамед Пакпур, и началникот на Генералштабот на вооружените сили, Абдолрахим Мусави.
ИДФ соопшти дека во друг напад е убиен и командантот на паравоените сили „Басиџ“, Голамреза Солејмани.
„Под водство на Солејмани, единицата „Басиџ“ ги предводеше главните операции за репресија во Иран, применувајќи сурово насилство, широко распространети апсења и употреба на сила против цивилни демонстранти“,
додаваат од ИДФ.
🔴 COMMANDER OF THE BASIJ UNIT ELIMINATED
— Israel Defense Forces (@IDF) March 17, 2026
Yesterday, the IDF targeted & eliminated Gholamreza Soleimani, who operated as commander of the Basij unit for the past 6 years.
Under Soleimani, the Basij unit led the main repression operations in Iran, employing severe violence,… pic.twitter.com/aJ0dNtCFz0
Израелскиот премиер Бенјамин Нетанјаху изјави дека убиството на Лариџани е дел од напорите да им се даде шанса на Иранците да ги отстранат своите владетели.
„Утрово го елиминиравме Али Лариџани, шефот на Револуционерната гарда, групата што всушност го води Иран“,
рече Нетанјаху во телевизиско обраќање.
Тој вели: „Соборувањето на верското раководство од страна на Иранците нема да дојде одеднаш и нема да биде лесно, но ако истраеме во тоа, ќе им дадеме можност сами да одлучат за својата судбина“.
Израелскиот министер за надворешни работи Гидеон Саар вели дека Иранците се побезбедни без високиот безбедносен службеник Али Лариџани и командантот на „Басиџ“, Голамреза Солејмани, откако израелската војска соопшти дека ги убила двајцата.
Саар вели дека Израел го ослабува механизмот за репресија на Иран. Тој додава дека режимот може да биде соборен само од иранскиот народ, но тоа не може да се направи без надворешна помош.
Саар, исто така, вели дека ефикасното блокирање на Ормускиот Теснец од страна на Иран е глобален проблем по повикот на американскиот претседател Доналд Трамп до другите земји да помогнат во стабилизирањето на бродскиот канал.