ХРВ предупредува дека се влошува состојбата со човековите права во САД поради строгите имиграциски политики на Трамп, заканите за правото на глас и други мерки, како и реторика со расистички стереотипи и политики што се усогласуваат со идеологијата на белиот национализам
Во годишниот извештај на организацијата „Хјуман рајтс воч“ (ХРВ) за почитување на човековите права во светот, се наведува дека претседателот на САД, Доналд Трамп, ги нападнал клучните столбови на американската демократија.
Извршниот директор на ХРВ, Филип Болопион, наведе дека администрацијата на Трамп се оддалечила од долгогодишната поддршка на САД за човековите права на глобално ниво и покажува мал интерес за потиснување на авторитарните режими. Тој додаде дека Вашингтон сега им помага на земји како Кина и Русија да ги поткопаат човековите права и предупреди на брз пад на квалитетот на демократијата во САД.
ХРВ предупредува дека се влошува состојбата со човековите права во САД поради строгите имиграциски политики на Трамп, заканите за правото на глас и други мерки, како и реториката со расистички стереотипи и политики што се усогласуваат со идеологијата на белиот национализам.
„Борбата за иднината на човековите права во 2026 година најмногу ќе се води во САД, а ќе има последици во цел свет“,
истакна Болопион.
Белата куќа ги отфрли процентите на ХРВ и ја обвини организацијата за пристрасност.
Портпаролката на Белата куќа, Ана Кели, изјави дека Трамп направил повеќе за човековите права отколку таа левичарска група, наведувајќи ги, меѓу другото, завршувањето на војните и заштитата на верските слободи.
Во Извештајот на ХРВ се предупредува дека Русија, Кина и САД денес се помалку слободни отколку што беа пред 20 години. Кина е обвинета за систематско негирање на основните слободи, додека Русија е обвинета за понатамошно интензивирање на репресијата врз граѓанското општество.