Фернандез, која беше министерка во владата на поранешниот претседател Родриго Чавез, се најави себеси како негов наследник и лице кое ќе обезбеди продолжување на неговите иницијативи
Кандидатката на десничарската Независна народна партија, Лаура Фернандез, победи на вчерашните претседателски избори во Костарика во првиот круг, откако доби 49,61 отсто од поддршката со 69,4 отсто преброени гласови на гласачките места.
„Бевме внимателни за секој детаљ за повторно да ви ја гарантираме чистотата на гласовите. Ви благодариме за овие примерни избори – слободни и автентични, кои повторно оддаваат почит на најблагородната костариканска традиција. Да ја почитуваме пресудата на гласачката кутија, без да се откажеме од демократската критика и надзорот врз оние на власт“,
рече претседателката на Врховниот изборен суд, Еугенија Замора, апелирајќи за одговорност за запирање на ескалацијата на навредите кои не ѝ помагаат на земјата во нејзиното барање решенија во борбата против сиромаштијата, незнаењето и криминалот.
Фернандез, која беше министерка во владата на поранешниот претседател Родриго Чавез, се најави себеси како негов наследник и лице кое ќе обезбеди продолжување на неговите иницијативи.
За да победи во првиот круг, кандидатот мора да добие најмалку 40 проценти од важечките гласови. Доколку никој не го достигне овој праг, потребен е втор круг на 5 април. На овие избори се регистрираа 20 кандидати за претседател и 1 207 кандидати за 57 места во парламентот.