Фејсбук вчера избриша речиси 900 профили поврзани со ултрадесничарските групи „Прауд бојс“ (Proud Boys) и „Американ гард“ (American Guard), соопшти компанијата.
Во соопштението е наведено дека вчера се отстранети преку 500 профили на Фејсбук и преку 300 на Инстаграм.
Фејсбук првпат пред две недели избриша профили поврзани со двете групи, кога беше забележано дека почнале да објавуваат постови во врска со протестите во САД.
На овие групи Фејсбук првично им забрани да промовираат омраза, но откако продолжија да објавуваат фотографии со оружје и да ги повикуваат луѓето да присуствуваат на протестите низ Америка кои се раширија од Минеаполис по убиството на Афроамериканецот Џорџ Флојд, тие целосно се отстранети.